Во организација на Владата на Република Македонија, а под покровителство на Пактот за стабилност на Југоисточна Европа и Советот на Европа, на 8 и 9 ноември оваа година во Скопје,  се одржa II-та Регионална министерска конференција на министрите за локална самоуправа на тема „Поефикасно демократско владеење на локално и регионално ниво“.

Целите на конференцијата беа:

• преглед на постојната состојба на локалната власт во земјите кориснички на помошта на Пактот за стабилност;
• оценка на направениот напредок направен во областа на децентрализираното владеење од првата регионалната конференција одржана во Загреб (Хрватска) на 25 и 26 октомври 2004; и
• поттикнување на реформите кон зајакнување на локалната демократија во Југоисточна Европа, и воедно  охрабрување на поддршката на меѓународната донаторска заедница, на проектите кои се базирани на конкретните потребите на секоја од земјите учеснички.

На Конференцијата учествуваа:

• Министрите одговорни за локалната самоуправа во државите кориснички на помошта на Пактот за стабилност од Југоисточна Европа: Албанија, Хрватска, Босна и Херцеговина (Федерацијата Босна и Херцеговина и Република Српска), Молдова, Црна Гора, Србија, Романиа и Македонија.
• Претставниците на: Комитетот на регионите на ЕУ; Претседавачот на Советот на Европската Унија; Европската комисија, OCDE, UNDP EUROPE, Светска Банка – Канцеларија во Париз, Канцеларијата за демократски институции и човекови права ODIHR на Организацијата за безбедност и соработка во Европа (OCDE)
• Претставниците на асоцијациите на локалните власти на земјите учеснички на Коференцијата.
• Претставници на донаторската заедница.